UGT–მ წარმატებით გაიარა Cisco-ს TelePresence Video Authorized Technology Partner–ის მოსაპოვებელი ყველა საფეხური და შესაბამისი საპარტნიორო სპეციალიზაცია მიიღო.

ავტორიზაციის მიღებასთან ერთად UGT-იმ მოაწყო ვიდეო საკომუნიკაციო სისტემების სადემონსტრაციო სტენდი და ამიერიდან დაინტერსებულ პირებს შეუძლიათ მარტივად გამოსცადონ Cisco-ს უახლესი ვიდეო ტექნოლოგიები და გადაწყვეტები, რომლებიც განკუთვნილია როგორც პერსონალური მოხმარებისთვის, ასევე სათათბირო და საკონფერენციო ოთახებში  გასამართავად. UGT-ის სპეციალისტებს შეუძლიათ მოახდინონ სისტემის დემონსტრირება როგორც კომპანიის ლაბორატორიაში, ასევე დაინტერესებული ორგანიზაციის ოფისში.

Cisco TelePresence Video Technology ავტორიზაციის სტატუსი ხაზს უსვამს UGT-ის სპეციალისტების მაღალ პროფესიონალიზმს რაც იმის გარანტიაა, რომ შეთავაზებული გადაწყვეტილება მაქსიმალურად შეესატყვისება კლიენტის მოთხოვნებს, ხოლო შეკვეთის შემთხვევაში დანერგილი სისტემა გამართულად და შეუფერხებლად იმუშავებს.

საქართველოში UGT-ის აქტიურობით Cisco-ს ახალი ვიდეო ტექნოლოგიების დანერგვა კიდევ უფრო ზრდის როგორც ქვეყნის შიგნით, ასევე უცხოურ პარტნიორებთან კომუნიკაციის ეფექტურობის ხარისხს,  რაც ჩვენს კლიენტებს დროის და სამოგზაურო თანხის დაზოგვის საშუალებას აძლევს.

შეგახსენებთ, რომ Cisco მსოფლიო ლიდერია ვიდეო საკონფერენციო სისტემების ბაზარზე. კომპანიამ  დამატებით განიმტკიცა თავისი პოზიცია, როდესაც 2009 წელს თავისი კონკურენტი Tandberg-ი შეიძინა.

იუჯითის პრესცენტრი